தேவையான பொருட்களை சேகரிக்க. சமையல் செய்யும் இடத்ததின் அருகில் வைக்க.

குங்குமப்பூவை 1 மேஜை கரண்டி கொதிக்கும் நீரில் ஊறவைக்க.
மிதமான நெருப்பின் மேல் அடிகனமான பாத்திரத்தில் கடலை பருப்பை பொன்னிறமாக வறுக்க.
மிதமான நெருப்பின் மேல் அடிகனமான பாத்திரத்தில் வரகு அரிசி சிறிது நிறம் மாறும் வரை வறுக்க.

வறுத்த பொருட்களை ஒரு கிண்ணத்தில் 3 கப் கொதிக்கும் பாலில் 20 நிமிடங்கள் ஊற வைக்க பின் பிரஷர் குக்கரில் குழைய வேகவைக்க. பிரஷர் இறங்கின பின் வெளியே எடுக்க

மிதமான நெருப்பின் மேல் ஒரு பெரிய அடிகனமான பாத்திரத்தில் இதை சேர்க்க. 4 கப் கொதிக்கும் பால் சேர்க்க. கிளறிக்கொண்டே இருக்க; கொதித்த பின் நெருப்பை சிறிது குறைக்க. நன்றாக கொதிக்கட்டும்.குங்குமப்பூ சேர்க்க. அடிபிடிக்காமல் இருக்க 1/4 கப் நெய் சேர்த்து கிளறிக்கொண்டே இருக்க. பால் நிறம் மஞ்சள் நிறம் ஆகும் மீதி பால் சேர்க்க.

ஏலக்காய் பொடி சேர்த்து கிளற. சின்ன துருவியை பாத்திரத்தின் மேல் வைத்து அதிமதுரம், ஜாதிக்காய் துருவுக நெருப்பை குறைக்க. பால் மேலும் 15 நிமிடங்கள் கொதித்து சுண்டட்டும். வெல்லம் சேர்த்து கிளற.. (எங்கள் நாட்டு வெல்லம் export quality. சுத்தம், அதனால் நீரில் கரைத்து வடிக்க வேண்டாம்.) சபரி போல சுவைத்து பார்க்க. உங்கள் நாவிரக்கேற்றவாறு இனிப்பு அட்ஜஸ்ட் செய்க. மேலும் கொதித்து சுண்டட்டும். சிட்டிகை உப்பு சேர்த்து கிளற. மீதி நெய் சேர்த்து கிளறி அடுப்பை அணைக்க.

மிதமான நெருப்பின் மேல் சாஸ் பேன் வைக்க’ 1 மேஜைக்கரண்டி நெய் சேர்க்க. நெருப்பை குறைத்து முந்திரி, திராட்சை வறுக்க. 1-2 நிமிடங்கள் திராட்சை உப்பும், முந்திரி சிவக்கும். அக்கார அடிசலுடன் சேர்க்க., அழகிய நிறம், மிகுந்த சுவை கொண்ட அக்கார அடிசல் தயார். வேறொரு போலிர்க்கு மாற்றுக கோவிந்தனுக்கு அம்சை செய்க. ருசித்து பறி`மாறுக