தேவையான பொருட்களை எடுத்து வைக்கவும். வாணலியில் ஒரு குழிக்கரண்டி எண்ணெய் விட்டு காய்ந்ததும் பட்டை, கிராம்பு,மிளகு, சீரகம், சோம்பு,கல்பாசி ஏலக்காய் சேர்த்து நன்கு வதக்கவும். இஞ்சி பூண்டு சிறிய வெங்காயம் 10, தக்காளி2,பொடியாக நறுக்கி சேர்த்து நன்கு வதக்கவும்.வெங்காயம் தக்காளி நன்கு வதங்கியதும் துருவிய தேங்காய், பொட்டுக்கடலை, ஒரு ஸ்பூன் கசகசா, சேர்த்து நன்கு வதக்கி, ஆற வைத்து மிக்ஸியில் நைசாக அரைக்கவும்.

ஒரு பெரிய வெங்காயம், அல்லது 8 சின்ன வெங்காயம் பொடியாக நறுக்கவும். வாணலில் ஒரு குழிக்கரண்டி எண்ணெய் விட்டு பட்டை கிராம்பு தாளித்து, கைப்பிடி புதினா மல்லித்தழை, சிறிய வெங்காயம் பொடியாக நறுக்கியது சேர்த்து நன்கு வதக்கவும். இரண்டு ஸ்பூன் தனியா தூள் ஒரு ஸ்பூன் மிளகாய்த் தூள் அரை ஸ்பூன் கரம் மசாலா பவுடர் சேர்த்து நன்கு வதக்கி அரைத்த விழுதை சேர்த்து 3 கப் தண்ணீர் விட்டு தேவையான உப்பு சேர்த்துக் கொதிக்கவிடவும்.

அடுப்பை சிம்மில் வைத்து 15 நிமிடம் மூடி வைத்து நன்கு கொதிக்க விடவும். சுவையான சேலம் சால்னா தயார்.இட்லி,தோசை, பரோட்டா,சப்பாத்திக்கு, தொட்டு சாப்பிட மிகவும் சுவையாக இருக்கும் நீங்களும் செய்து பாருங்கள்.