வரகு, திணை, குதிரைவாலி, இட்லி அரிசி, உளுந்து, வெந்தயம் இவை அனைத்தையும் நன்கு கழுவி 3 மணி நேரம் ஊற வைக்கவும்.

சிறுதானியத்தில் குப்பை அதிகமாக இருக்கும். அதனால் இரண்டு மூன்று தடவை நன்கு கழுவி குடி தண்ணீரில் ஊறவைக்கவும். மூன்று மணி நேரம் ஊரிய பின் மிக்ஸி ஜாரில் அனைத்தையும் சேர்த்து இட்லி மாவு பதத்திற்கு அரைத்து உப்பு சேர்த்து கரைத்து வைத்துக் கொள்ளவும். இந்த மாவு 6 மணி நேரம் புளிக்க வேண்டும்.

வாணலில் எண்ணெய் ஊற்றி கடுகு, உளுத்தம்பருப்பு, பச்சை மிளகாய், கறிவேப்பிலை தாளிக்கவும். அதனுடன் நறுக்கி வைத்துள்ள கேரட், பீன்ஸ், வெங்காயத்தை சேர்த்து, உப்பு சேர்த்து நன்கு வதக்கவும்.

இறக்கும்பொழுது தேங்காய் துருவல் சேர்த்து வதக்கி இறக்கவும். அதனை அரைத்து, புளிக்க வைத்துள்ள மாவுடன் சேர்த்து கலக்கவும்.

சுவையான ஆரோக்கியமான, குழிபணியாரம் தயார். இதனை கொத்தமல்லி சட்னி அல்லது தேங்காய் சட்னியுடன் சாப்பிடும் பொழுது சுவையாக இருக்கும்.