முதலில் ஒரு பாத்திரத்தில் 250 மில்லி கடலை எண்ணெயை ஊற்றிக் கொண்டு அதில் நான்கு பட்டை, 5 ஏலக்காய் மற்றும் கிராம்பு 4 சேர்த்து நன்றாக வறுத்து கொள்ளவும். பின்பு நறுக்கிய பெரிய வெங்காயத்தைச் சேர்த்துக் கொள்ளவும். பொன் நிறமாக மாறும் வரை வறுத்துக் கொள்ளவும்.

இப்போது சிறிய வெங்காயத்தை அரைத்து இதனுடன் சேர்த்து நன்றாக வதக்கவும். பின்பு நாம் எடுத்த இஞ்சி மற்றும் பூண்டை அரைத்து இதனுடன் சேர்த்துக் கொள்ளவும். பின்பு பச்சை மிளகாய் கொத்தமல்லி புதினாவை எடுத்து அளவில் பாதியை சேர்த்துக் கொள்ளவும்.

வெங்காயம் பொன்னிறமான உடன் இதில் மட்டனை சேர்த்து சிறிது உப்பு மற்றும் மிளகாய் தூள், மல்லித் தூள், கரம் மசாலா ஆகியவற்றை சேர்த்து கலக்கிக் கொள்ளவும். இப்பொழுது நறுக்கிய தக்காளி மற்றும் தயிர் சேர்த்து நன்றாக வதக்கவும்.

மேலே கூறியுள்ள பட்டை, கிராம்பு, ஏலக்காய் ஆகியவற்றை நன்றாக வெயிலில் காயவைத்து அரைத்து எடுத்துக் கொள்ளவும். அதுதான் நமக்கு கரம் மசாலா. இந்த பிரியாணிக்கு ஒரு மேஜை கரண்டி போதுமானது.

மட்டன் வதங்கிய உடன் இரண்டு லிட்டர் தண்ணீர் சேர்த்து ஒரு கொதி வரும் வரை காத்திருக்கவும்.

சீரக சம்பா அரிசியை இருபது நிமிடம் ஊறவைத்து தனியாக எடுத்து வைத்துக் கொள்ளவும். மட்டன் வதங்கிய உடன் அரிசி, எலுமிச்சைச் சாறு, உப்பு தேவையானவற்றை சேர்த்து கொண்டு மூடி வைக்கவும்