மிளகு காராச்சேவு (Pepper kaara sev recipe in tamil)

மிளகை கொரகொரப்பாக பொடி செய்து எடுத்துக் கொள்ளவும் முழுதாக போட்டால் வெடிக்கும்.. பூண்டை மிக்ஸியில் போட்டு சிறிது தண்ணீர் விட்டு நன்றாக அரைத்துக் கொள்ளவும்..

ஒரு பாத்திரத்தில் கடலை மாவு, பச்சரிசி மாவு, பூண்டு, மிளகுத் தூள், பெருங்காயம், தேவையான அளவு உப்பு, சூடான எண்ணெயில் இருந்து ஒரு சிறிய குழிக்கரண்டி அளவு எண்ணெய் சேர்த்து தண்ணீர் சிறிது சிறிதாக விட்டு இளக்கமாக பிசைந்துகொள்ளவும்... கெட்டியாக பிசைந்தால் தேய்ப்பதற்கு கடினமாக இருக்கும்...

இப்போது நம்ம வீட்டிலுள்ள ஜல்லி கரண்டியில் செய்யலாம்... அல்லது முறுக்கு பிழியும்அச்சிலும் பிழிந்து கொள்ளலாம்..

முதலில் ஜல்லி கரண்டியில் எப்படி செய்வது என்பதை பார்ப்போம்.. மாவிலிருந்து சிறிது எடுத்து ஜல்லி கரண்டியின் மேல் வைத்து சூடான எண்ணெயில் தேய்த்தால் அடியில் அழகாக விழும்

முறுக்கு அச்சில் போட்டும் பிழியலாம்... அச்சில் லேசாக எண்ணைய் தடவி அதில் மாவை போட்டு பிழிந்து எண்ணெயில் பொரித்து எடுக்கலாம்

இது மழை நேரத்திலும் குளிர் நேரத்திலும் சூடான காபியுடன் சாப்பிட அருமையாக இருக்கும்... நீங்களும் முயற்சி செய்து பாருங்கள்