முதலில் அரிசியை தண்ணீர் ஊற்றி நன்கு கழுவி சுத்தம் செய்து வைத்து வாணலியில் பாசிப்பருப்பு லேசாக வறுத்து எடுத்து குக்கரில் அரிசி, பருப்பு சேர்த்து தண்ணீர் மற்றும் பால் ஊற்றி 5 அல்லது 6 விசில் விட்டு இறக்கவும்.

பிறகு ஒரு பாத்திரத்தில் வெல்லம், 1/2 டம்ளர் தண்ணீர், ஏலக்காய் சேர்த்து அடுப்பில் வைத்து கரைத்து வடிகட்டி தனியாக எடுத்து வைக்கவும். பிறகு குக்கரில் வேக வைத்த சாதத்தில் நெய் சிறிது விட்டு கரண்டி வைத்து சிறிதளவு மசித்து விடவும்.

பின்னர் குக்கரை அடுப்பில் வைத்து வெல்லம் கரைத்ததை ஊற்றி நன்கு கிளறி விடவும். தேவைப்பட்டால் நெய் விட்டு கிளறி விடவும்.

பின்னர் வாணலியில் தேவையான அளவு நெய் ஊற்றி முந்திரி, உலர் திராட்சை சேர்த்து பொன்னிறமாக வந்ததும் பொங்கலில் சேர்த்து கிளறி விடவும்.