நன்னாரி வேரில் உள்ளே ஒரு தண்டு பகுதி இருக்கும்.. நன்னாரி வேரை நன்றாக தட்டி உள்ளே உள்ள தண்டுப்பகுதி எடுத்துவிட்டு நன்னாரியை நன்றாக கழுவி மிக்ஸி ஜாரில் லேசாக ஒரு திருப்பு திருப்பி 3 கப் தண்ணீர் விட்டு 24 மணி நேரம் ஊற வைக்கவும்..

ஊற வைக்கும்போது முதலில் கலர் எதுவும் இருக்காது நன்றாக ஊறிய பிறகு நிறம் கருப்பாக இருக்கும்

அதை நன்றாக வடிகட்டி சக்கை தனியாக தண்ணீர் தனியாக எடுத்துவிடவேண்டும் நமக்கு சக்கை தேவையில்லை

வெல்லம் மூழ்கும் அளவு தண்ணீர் விட்டு நன்றாக கரைத்து வடிகட்டிக்கொள்ளவும்... அதனுடன் நன்னாரி வேர் தண்ணீரையும் சேர்த்து கொதிக்க விடவும்

நன்றாக கொதிக்கும் போது 2 எலுமிச்சம் பழத்தின் சாறை அதில் பிழிந்துவிட்டு

5 லிருந்து 10 நிமிடங்கள் கொதித்ததும் நாம் குலோப்ஜாமூனுக்கு சர்க்கரை பாகு செய்வது போல பிசுக்கு பதம் வந்ததும் இறக்கி விடவும்.. கம்பி பதம் எதுவும் தேவை இல்லை.. இந்தப் பதத்தில் இறக்கினால் ஆறும் போது தேன்போல் அருமையாக இருக்கும் இல்லை என்றால் ஆறிய பிறகு இறுகிவிடும்... ஆறியதும் ஒரு கண்ணாடி பாட்டிலில் விட்டு ஃப்ரிட்ஜில் வைத்துக் கொண்டால் ஒரு வருடம் இரண்டு வருடம் ஆனாலும் கெட்டுப் போகாமல் நன்றாக இருக்கும்.. இப்போது நன்னாரி சிரப் தயார்..

நன்னரி சர்பத் செய்வதற்கு முதலில் ஒரு கிளாஸில் ஊறவைத்து சப்ஜா விதைகள், நான்கு மணி நேரம் ஊறவைத்த பாதாம் பிசின், எலுமிச்சை சாறு சேர்த்து கலந்து கொள்ளவும்..

அதனுடன் தேவையான நன்னாரி சிரப்பையும் ஊற்றி தேவையான அளவு குளிர்ந்த நீரையும் ஊற்றி கலந்தால் நன்னாரி சர்பத் தயார்

இதில் வெள்ளை சர்க்கரை சேர்க்காததால் உடலுக்கும் நல்லது இந்த வெயிலுக்கு குளிர்ச்சியும் கூட... இப்பொழுது இயற்கையான சத்தான நன்னாரி சர்பத் குடிப்பதற்கு தயார்...