நம் வீட்டில் இட்லிக்கு அரைத்து வைத்திருக்கும். மாவில் உடனடியாக இந்த தோசை செய்யலாம். எட்டு கரண்டி இட்லி மாவு தயாராக எடுத்து வைத்துக் கொள்ளவும். இரண்டு கைப்பிடி அளவு முடக்கத்தான் கீரையை ஆய்ந்து கழுவி சுத்தம் செய்து தண்ணீர் வடித்து எடுத்து வைத்துக் கொள்ளவும். 6 பல் பூண்டு மற்றும் ஆறு வெங்காயம் தோலுரித்து கழுவி வைத்துக் கொள்ளவும். 1 டீ ஸ்பூன் சீரகம், கால் அல்லது அரை டீ டீஸ்பூன் மிளகு எடுத்துக் கொள்ளவும்.

வாணலியில் ஒரு ஸ்பூன் எண்ணெய் விட்டு சீரகம் மிளகை சேர்த்து பொரியவிடவும் பிறகு அதில் வெங்காயம் பூண்டு சேர்த்து வதக்கவும். இவற்றை தனியாக எடுத்து வைத்து ஆற வைத்துக் கொள்ளவும். தழுவிய கீரையுடன் இவற்றை சேர்த்து மிக்ஸியில் 1 டீ ஸ்பூன் அளவிற்கு தண்ணீர் சேர்த்து நைஸாக அரைத்துக் கொள்ளவும். இதை மாவுடன் சேர்த்து நன்கு கலந்து கொள்ளவும்.

அடுப்பில் தோசைக்கல்லை வைத்து சூடேற்றவும். காய்ந்தவுடன் லேசாக எண்ணை தடவி கரைத்து வைத்த மாவை நடுவில் ஊற்றி பரவலாகத் தேய்த்துக் கொள்ளவும். ஒரு நிமிடம் விட்டு சுற்றி எண்ணெய் விடவும். ஒரு மூடி போட்டு மிதமான தீயில் சிவக்க விடவும். பிறகு மூடியை திறந்து மறுபக்கம் வேகவிடவும். சுவையான முடக்கத்தான் கீரை தோசை தயார். இது கால் வலிக்கு மூட்டு வலிக்கு எலும்பு வலிக்கு நல்லது.