கொண்டைக்கடலையை 8 மணி நேரம் ஊறவைத்து பிறகு தண்ணீரை வடித்து குக்கரில் சேர்த்து சிறிதளவு உப்பு,தேவைக்கேற்ப தண்ணீர் சேர்த்து 5 விசில் விட்டு அடுப்பை அணைக்கவும்

அடி கனமான கடாயில் கடலை எண்ணெய் விட்டு காய்ந்ததும் பட்டை கிராம்பு தாளித்து, தோல் சீவி நறுக்கிய இஞ்சி துண்டு பூண்டு பல் சேர்த்து வதங்கியதும், நறுக்கிய பெரிய வெங்காயம், தக்காளியை சேர்த்து மிதமான தீயில் நன்கு மசிய வதக்கி ஆறவிடவும்

வேறொரு அடி கனமான கடாயை அடுப்பில் வைத்து 3 டேபிள்ஸ்பூன் கடலை எண்ணெய் விட்டு காய்ந்ததும் கறிவேப்பிலை, ஒரு பெரிய வெங்காயம் பொடியாக நறுக்கிச் சேர்த்து நன்கு வதக்கவும். வதக்கிய தக்காளி வெங்காயம் விழுதை ஆறியதும் மிக்ஸியில் சேர்த்து நன்கு நைசாக விழுதாக அரைத்து அதனையும் சேர்த்து வதக்கவும்

இப்போது மஞ்சள்தூள், சீரகத்தூள், கரம் மசாலாத்தூள், மிளகாய்த்தூள் கொடுக்கப்பட்டுள்ள அளவுகளில் சேர்த்து அதனையும் மிதமான தீயில் பச்சை வாடை போக இரண்டு நிமிடம் வதக்கவும்

இப்போது வேகவைத்த கடலையை அந்த தண்ணீரோடு மசாலா பொடி சேர்த்து தேவைக்கேற்ப உப்பு சேர்க்கவும். இதனை தட்டு கொண்டு மூடி குறைந்த தணலில் 10 நிமிடங்கள் கொதிக்க விடவும்

இறுதியாக சிறிது கசூரி மேத்தி யை நன்கு நசுக்கிவிட்டு கிரேவியில் தூவி விட்டு அடுப்பை அணைக்கவும்