முருங்கைப்பூவை சுத்தம் செய்து அலசி கொள்ளவும் அரிசி உடன் துவரம்பருப்பு கடலைப்பருப்பு பாசிப்பருப்பை சேர்த்து இரண்டு முறை கழுவி தண்ணீர் ஊற்றி ஒரு மணி நேரம் வரை ஊறவிடவும் பின் அடி கணமான வாணலியில் எண்ணெய் விட்டு சூடானதும் கடுகு சேர்த்து வெடித்ததும் பட்டை கிராம்பு ஏலக்காய் அன்னாச்சி பூ பிரியாணி இலை சேர்த்து பொரிய விடவும் பின் நறுக்கிய வெங்காயம் பச்சை மிளகாயை சேர்த்து வதக்கவும் கூட கறிவேப்பிலை புதினா இலை சேர்த்து வதக்கவும்

பின் இஞ்சி பூண்டு விழுது சேர்த்து வதக்கவும் பின் நறுக்கிய தக்காளி சேர்த்து வதக்கவும்

உப்பு மஞ்சள் தூள் சேர்த்து தக்காளி மசியும் வரை நன்றாக வதக்கவும்

பின் பிரியாணி தூள் சிக்கன் மசாலா தூள் சேர்த்து நன்கு வதக்கவும்

எண்ணெய் பிரிந்து வரும் வரை நன்றாக வதக்கவும் பின் முருங்கைப்பூவை சேர்த்து பட்டாணி சேர்த்து நன்கு கிளறவும்

பின் ஊறவைத்த அரிசி பருப்பை கழுவி தண்ணீரை வடிகட்டி சேர்த்து நன்கு கிளறவும்

பின் 1 கப் அரிசிக்கு 2 கப் தண்ணீர் வீதம் அளந்து ஊற்றி கொதிக்க விடவும் நன்றாக கொதித்து தண்ணீர் பாதி சுண்டியதும் நெய் விட்டு கொத்தமல்லி தழை தூவி நன்கு கிளறி மூடி வைத்து மேல் வெயிட் வைத்து அடுப்பை மெல்லிய தீயில் வைத்து 15 நிமிடங்கள் வரை தம் போடவும்

சுவையான ஆரோக்கியமான முருங்கைப்பூ பருப்பு சாதம் ரெடி