முதலில் மொச்சை அவரையை உரித்து அதன் விதைகளை 12 மணி நேரம் தண்ணீரில் ஊற வைக்கவும். பின்பு அதன் தோலை நீக்கி பருப்பை எடுத்து கொள்ளவும். அரிசியை நன்றாக கழுவி 20 நிமிடம் ஊறவைக்கவும்.

குக்கரில் எண்ணெய் மற்றும் சிறிது நெய் சேர்த்து அதில் பட்டை, கிராம்பு, ஏலக்காய் அன்னாசி பூ, மராட்டி மொக்கு பிரிஞ்சி இலை,சேர்த்து வதக்கவும்.பின்பு அதில் நறுக்கிய பச்சை மிளகாய் நறுக்கிய வெங்காயம் மற்றும் இஞ்சி-பூண்டு விழுது சேர்த்து நன்றாக வதக்கவும். பின்பு புதினா மற்றும் தக்காளியை சேர்த்து நன்றாக தக்காளி கரையும்வரை வதக்கி எடுக்கவும்.

தக்காளி நன்றாக வெந்தவுடன் அதில் மஞ்சள் தூள் மற்றும் பிரியாணி மசாலா சேர்த்து நன்றாக கிளறவும். பின்பு பிதுக்கம் பருப்பு சேர்த்து அதில் தேவையான அளவு உப்பு சேர்த்து நன்றாக கலக்கவும். பின்பு ஊற வைத்த அரிசியை சேர்த்து நன்றாக கிளறிவிடவும்.

நான்கு கப் சுடுதண்ணீர் சேர்த்து கலந்து விடவும். பின்பு உப்பு சரிபார்த்து கொள்ளவும். அதன்பின் இரண்டு ஸ்பூன் நெய் சேர்த்து கலக்கவும்.பின்பு நறுக்கிய கொத்தமல்லி சேர்த்து குக்கரை மூடி மிதமான தீயில் ஒரு விசில் விட்டு இறக்கவும்.

அவ்வளவுதான் சுவையான பிதுக்கம் பருப்பு பிரியாணி தயார்.