கறியை நன்கு சுத்தம் செய்து மஞ்சள் தூள், மிளகாய் தூள், 1ஸ்பூன் இஞ்சி பூண்டு விழுது, மல்லி தூள்,காஷ்மீர் மிளகாய் தூள்,சீரகத்தூள்,கரமசாலா, எண்ணெய், 2ஸ்பூன் நெய் சேர்த்து நன்கு கலந்து விடவும்.

பிறகு இதில் எலுமிச்சை சாறு பிழிந்து பச்சை மிளகாய் சேர்த்து புதினா கொத்தமல்லி நறுக்கி சேர்த்து தயிர் கலந்து விடவும்.

வெங்காயம் நீளமாக நறுக்கி எண்ணெயில் போட்டு பொன்னிறமாக பொரித்து எடுத்து கொள்ளவும். சிக்கனில் சிறிதளவு சேர்த்து கொள்ளவும்.

கடைசியாக உப்பு சேர்த்து நன்கு கலந்து விட்டு 6லிருந்து 8 மணி நேரம் பிரிட்ஜில் ஊற வைத்து எடுத்து கொள்ளவும். ஒரு பவுலில் பால் எடுத்து குங்குமப்பூ சேர்த்து ஊற வைத்து கொள்ளவும்.

ஒரு பாத்திரத்தில் தண்ணீர் ஊற்றி உப்பு, எண்ணெய், பிரியாணி இலை, பட்டை, கிராம்பு, ஏலக்காய், சாஹிஜூரா சேர்த்து தண்ணீர் கொதித்து வந்த பிறகு பாஸ்மதி அரிசி தண்ணீரில் 20 நிமிடம் ஊற வைத்து சேர்த்து கொள்ளவும்.

பிரியாணி செய்யும் பாத்திரத்தில் ஊற வைத்த சிக்கனை மாற்றி அரிசி முக்கால் பதம் வெந்ததும் பாதி அரிசியை எடுத்து சிக்கன் மேல் தண்ணீர் இல்லாமல் வடிகட்டி சேர்த்து கொள்ளவும்.பிறகு இதன் மேல் வெங்காயம் பொரித்தது சிறிதளவு புதினா, கொத்தமல்லி சேர்க்கவும்.

பிறகு குங்குமப்பூ பால் ஊற்றி மீதமுள்ள அரிசியை சேர்த்து இதே போல மேலே தூவி கொள்ளவும்.அரிசி வேக வைத்த தண்ணீர் 1/4 டம்ளர் ஊற்றி நெய் விடவும்.

சில்வர் பாயில் கவர் செய்து மூடி வைத்து அடுப்பை மிதமான தீயில் வைத்து 15 நிமிடம் பிறகு அடுப்பை குறைத்து தோசை கல் மேலே இந்த பாத்திரம் வைத்து 30 நிமிடம் பின்னர் அடுப்பை அணைத்து 10 நிமிடம் அப்படியே விட்டு விடவும்.

இப்போது சூப்பரான சுவையான ஹைதராபாத் சிக்கன் தம் பிரியாணி தயார். நன்றி