பிரியாணி செய்யும் பாத்திரத்தில் எண்ணெய், நெய் ஊற்றி காய்ந்ததும் பிரியாணி இலை, சீரகம், பட்டை, கிராம்பு,ஏலக்காய் சேர்த்து வதக்கி வெங்காயம் நீளமாக கட் செய்தது பச்சை மிளகாய் சேர்த்து நன்கு பொன்னிறமாக வதக்கவும்.

பிறகு இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.தக்காளி, உப்பு, மிளகாய்தூள், கரமசாலா சேர்த்து நன்கு வதக்கவும்.

பிறகு புதினா, கொத்தமல்லி சேர்த்து நன்கு எண்ணெய் விட்டு வரும் வரை வதக்கி தயிர் சேர்த்து கிளறி விடவும்.பிறகு காய்கறிகளை சேர்த்து நன்கு கிளறி விடவும்.

1/4டம்ளர் தண்ணீர் ஊற்றி காய்கறிகள் வெந்து வர மூடி வைக்கவும்.பாஸ்மதி அரிசியை தண்ணீர் ஊற்றி 20 நிமிடம் ஊற வைத்த பின்னர் தண்ணீர் இல்லாமல் வடிகட்டி அரிசியை சேர்த்து நன்கு கலந்து விட்டு உப்பு,காரம் சரிபார்த்து கொள்ளவும்.

கடைசியாக கொத்தமல்லி இலை, புதினா சேர்த்து கலந்து விடவும். பிறகு சில்வர் பாயில் சுற்றி கவர் செய்து மூடி வைத்து அடுப்பை மிதமான தீயில் வைத்து 20 நிமிடம் அப்படியே வைக்கவும்.

சுவையான வெஜ் தம் பிரியாணி தயார்.