முதலில் ஒரு சிறிய பேசினில் காய்ச்சி ஆறின பால் சேர்த்து அதில் ஈஸ்ட் சர்க்கரை இரண்டையும் நன்றாக கலக்கி 10 நிமிடம் மூடி வைக்கவும்.

இப்பொழுது அது நன்கு நுரைத்து வந்திருக்கும். அதில் மைதா மாவு வெண்ணைய் உப்பு சேர்த்து நன்கு பிசைந்துஒரு மணி நேரம் ஊற விடவும்.பூண்டை நன்றாக நசுக்கி வெண்ணெயுடன் கலந்து வைத்துக் கொள்ளவும்.

அது நன்கு இரண்டு மடங்காக ஆகி இருக்கும்.மறுபடியும் அதை லேசாக பிசைந்து சிறிய சிறிய உருண்டைகளாக உருட்டி எண்ணெய் தடவிய பேக்கிங் ட்ரேயில் அடுக்கி அரை மணி நேரம் வைக்கவும்.

அது நன்கு உப்பி வந்திருக்கும். அதன் மேலே பூண்டு வெண்ணெய் கலவையை பிரஷ்ஷால் தடவி மேலாக ஒரேகணோ, சில்லி ஃப்ளேக்ஸ், சிறிது சீஸ் துருவல் தூவி 180*செல்சியஸில் இருவத்தி ஐந்து நிமிடம் அவனில் வேக வைக்கவும்.

இப்பொழுது கமகம வாசனையுடன் சுவையான கார்லிக் பிரட் ரெடி. சூப்புடன் சாப்பிட நல்ல காம்பினேஷன்.