கிழங்கு போண்டா செய்ய உருளைக்கிழங்கை வேகவைத்து தோல் உரித்து ஒன்றும் பாதியாக மசித்து எடுத்துக் கொள்ளவும் பின் வாணலியில் எண்ணெய் விட்டு சூடானதும் கடுகு சோம்பு சேர்த்து வெடித்ததும் துருவிய இஞ்சி சேர்த்து நன்கு கிளறவும் பின் நறுக்கிய வெங்காயம் பச்சை மிளகாயை சேர்த்து வதக்கவும் பின் மிளகாய்த்தூள் கரம் மசாலா தூள் மஞ்சள் தூள் பெருங்காயத்தூள் சேர்த்து வதக்கவும் பின் கிழங்கை சேர்த்து நன்கு கிளறி இறக்கவும் சின்ன சின்ன உருண்டைகளாக உருட்டி கொள்ளவும்

மேல் மாவு செய்ய கொடுத்துள்ள பொருட்களை ஒன்றாக சேர்த்து நன்கு கலந்து சிறிது சிறிதாக தண்ணீர் சேர்த்து நன்கு கரைத்து இட்லி மாவு பதத்தில் கரைத்துக் கொள்ளவும் பின் அதில் ரெடியாக உள்ள கிழங்கை முக்கி எடுத்து சூடான எண்ணெயில் போட்டு பொன்னிறமாக பொரித்து எடுக்கவும் சுவையான ஆரோக்கியமான மசாலா போண்டா ரெடி

உளுந்து வடை செய்ய உளுத்தம்பருப்பை மூன்று மணி நேரம் வரை ஊறவிடவும் பின் கழுவி தண்ணீரை வடிகட்டி மிக்ஸி அல்லது கிரைண்டரில் முதலில் இஞ்சி பச்சைமிளகாய் சேர்த்து ஒரு சுற்று சுற்றி பின் உளுந்தை போட்டு சிறிது சிறிதாக தண்ணீர் தெளித்து கெட்டியாகப் அரைத்து எடுக்கவும் பின் உப்பு நறுக்கிய வெங்காயம் கறிவேப்பிலை கொத்தமல்லி தழை சேர்த்து நன்கு பிசைந்து கொள்ளவும்

பின் வாழைஇலையை தண்ணீரில் நனைத்து மாவை லெமன் அளவு உருட்டி எடுத்து தட்டி நடுவில் ஓட்டை போடவும்

பின் சூடான எண்ணெயில் போட்டு பொன்னிறமாக பொரித்து எடுக்கவும்

சுவையான ஆரோக்கியமான உளுந்து வடை ரெடி சூடா வடை போண்டா உடன் ஒரு கப் டீ அல்லது காபி சேர்த்து பரிமாறவும்