தேவையான பொருட்களை எடுத்துக் கொள்ளவும்.

நீளமான சேமியாவை உடைத்து தட்டில் போடவும்.அடுப்பை சிறு தீயில் வைத்து சிறிய கடாயில் 1 ஸ்பூன் நெய் விட்டு காய்ந்ததும், பாதாம், முந்திரியை வறுத்து தட்டில் வைக்கவும்.

அடுப்பை சிறு தீயில் வைத்து கடாயில் 1 ஸ்பூன் நெய் காய்ந்ததும், சேமியாவை நன்கு வறுத்து அதில் 1கப் சூடான தண்ணீரை விட்டு 5 நிமிடம் வேகவிடவும்.

வெந்ததும், அதில் 1/2 கப் சர்க்கரை, கஸ்டர்டு பவுடரை சேர்த்து, வெந்ததும், அடுப்பை நிறுத்தி விட்டு, பௌலுக்கு மாற்றவும்.

அடுப்பை சிறு தீயில் வைத்து கடாயில் 2 ஸ்பூன் நெய் விட்டு காய்ந்ததும், தேங்காய் துருவலை கருகாமல் பொன்னிறமாக வறுத்ததும், 1/2 கப் சர்க்கரை போட்டு கரைந்ததும், ஏலத்தூள், வறுத்த, பாதாம், முந்திரியை போடவும்.

பிறகு அதில் வெந்த சேமியா, வறுத்த எள்ளை போட்டு, 1ஸ்பூன் நெய் விட்டு சுருள கிளறி, அடுப்பை நிறுத்தி விடவும்.

குறிப்பு:- இதற்கு அதிகம் நெய் தேவையில்லை. தேங்காய் சேர்த்திருப்பதால் சீக்கிரம் பயன் படுத்தி விடவும். தேவை என்றால் கொடுத்துள்ள அளவை அதிகப் படுத்திக் கொள்ளவும்.