*தேங்காய் பால் சாதம்*

தேவையான பொருட்களை எடுத்து தயாராக வைத்துக் கொள்ளவும்

வெங்காயத்தை நீளவாக்கில் மெல்லியதாக நறுக்கவும். தக்காளியை பெரிய துண்டுகளாக நறுக்கிக் கொள்ளவும்.

மிக்ஸியில், தேங்காய் துண்டுகள், சிறிது தண்ணீர் விட்டு முதலில் அரைக்கவும். திரும்பவும் தண்ணீர் விட்டு நன்கு மைய அரைத்து வடிகட்டி தேங்காய் பால் எடுத்துக் கொள்ளவும்.

அரிசியை நன்கு களைந்ததும், தண்ணீர் விட்டு ஊற வைத்து, பிறகு வடித்துக் கொள்ளவும்.

அடுப்பை மிதமான தீயில் வைத்து, நெய், எண்ணெய் விட்டு சூடானதும், சீரகம், சோம்பு, பட்டை, கிராம்பு, அன்னாசி பூ, ஏலக்காய், பிரிஞ்சி இலை, முந்திரி, இஞ்சி பூண்டு விழுது, கீறின ப.மிளகாய், வெங்காயம், உப்பு சேர்த்து நன்கு வதக்கவும்.

பிறகு தக்காளி, கறிவேப்பிலையை சேர்த்து, வதக்கினதும், அரிசியை சேர்த்து, 1 நிமிடம் பிரட்டிக் கொள்ளவும்.

அடுத்து தேங்காய் பாலை விட்டு மூடி போட்டு மூடவும்.

பிறகு 1 விசில் விட்டு இறக்கவும். மேலே 1 ஸ்பூன் நெய் விட்டு சாதம் உடையாமல் கிளறவும்.

குறிப்பு:- சாதத்திற்கு நடுவில், ப.மிளகாய், மற்றும் பிளேட்டை சுற்றி, வெங்காய ரிங்க்ஸ்,நடுவில் முந்திரி, தேங்காய் துண்டுகளை வைத்து அலங்கரிக்கவும்.