முதலில் அரிசி மாவை ஒரு அகலமான பாத்திரத்தில் எடுத்துக் கொள்ளவும். ஒரு சிட்டிகை உப்பு, ஒரு மேசைக்கரண்டி தேங்காய் எண்ணெய் சேர்த்து நன்கு கலக்கவும்.

ஒரு பாத்திரத்தில் இரண்டு கப் தண்ணீர் ஊற்றி கொதிக்க விடவும். தண்ணீர் கொதித்ததும் அரிசி மாவில் ஊற்றி கரண்டியின் பின் பகுதியால் நன்கு கலக்கவும்.

மாவு சூடு சற்று குறைந்ததும் கையால் பிசைந்து கொள்ளவும்.

பிசைந்த மாவை இடியாப்ப உழக்கில் வைத்து இட்லித் தட்டில் பிழிந்து இட்லிப் பாத்திரத்தில் வேக வைத்து எடுக்கவும்.

கொண்டைக்கடலையை எட்டு மணி நேரம் ஊற வைக்கவும். ஊறிய பின்னர் குக்கரில் நான்கு விசில் வைத்து இறக்கவும்.

ஒரு கடாயில் மிளகாய் வத்தல், மிளகு, சீரகம், பட்டை, கிராம்பு, சோம்பு, மல்லி சேர்த்து எண்ணெய் இல்லாமல் வாசனை வரும் வரை வறுத்து எடுக்கவும்.

தக்காளி, வெங்காயம் நறுக்கி வைக்கவும்.

மிக்சி ஜாரில் வறுத்து வைத்துள்ள மசாலாப் பொருட்களுடன் வெங்காயம், தக்காளி, இஞ்சி, பூண்டு சேர்த்து அரைக்கவும்.

கடாயில் ஒரு மேசைக்கரண்டி எண்ணெய் ஊற்றி காய்ந்ததும் அரைத்த மசாலா சேர்த்து நன்கு வதக்கவும். எண்ணெய் பிரிந்ததும் வேக வைத்த கொண்டைக்கடலை, தேவையான அளவு உப்பு சேர்த்துக் கொதிக்க வைத்து இறக்கவும்.