அரிசியை களைந்து மூன்று மணி நேரம் ஊற வைக்கவும்.

பின் உப்பு சேர்த்து மிக்சியில் நன்கு நைசாக அரைத்து நீர்க்க கரைத்து வைத்துக் கொள்ளவும்.

மிக்சியை 1/2 கப் நீர் விட்டு அலம்பி எடுத்து அத்துடன் ஒரு கரண்டி மாவையும் சேர்த்து ஒரு பாத்திரத்தில் கொட்டி அடுப்பில் வைத்து காய்ச்சவும். கூழாக கஞ்சி பதத்திற்கு வரும் பொழுது அதை மாவுடன் சேர்க்கவும்.

2 தேக்கரண்டி எண்ணெயில் கடுகு, கருவேப்பிலை, பச்சை மிளகாய் தாளித்து மாவில் சேர்க்கவும்.

எலுமிச்சை சாறை சேர்த்து கலக்கவும்.

தோசை கல்லை சூடாக்கி சிறிது எண்ணெய் தடவவும்.

இரண்டு கரண்டி மாவை கல்லில் வெளிப்புறத்தில் இருந்து ஊற்றி நிரப்பவும். சாதா தோசை போல் ஊற்றாமல், ரவா தோசை செய்வது போல் ஊற்றவும்.

இந்த தோசை 15-20 நொடிகளில் வெந்து விடும்.

இருபுறமும் வெந்தவுடன் சூடாக பரிமாறவும்.