காய்கறிகளை கழுவி அறிந்து எடுத்து வைத்துக் கொள்ளவும். தயிரையும் எடுத்து வைத்துக் கொள்ளவும்.

வெள்ளை மற்றும்சிவப்பு பூசணி இரண்டையும் 5 நிமிடம் தண்ணீரில் குழய விடாமல் வேகவிட்டு தண்ணீர் வடித்து எடுத்துக் கொள்ளவும். தக்காளியை லேசாக எண்ணெயில் வதக்கி எடுத்துக் கொள்ளவும். கடாயில் என்னை விட்டு கடுகு சீரகம் பெருங்காயத்தூள் தாளித்துக் கொள்ளவும்.

வேகவைத்த காய்கறிகளுடன் துருவிய கேரட்டையும் வதக்கிய தக்காளியையும் தாளித்த கடுகு சீரகத்தையும் தயிரில் உப்பு சேர்த்து கலக்கவும். அரிந்த ப. மிளகாய், பொடியாக அரிந்த வெங்காயம் மற்றும் கருவேப்பிலை கொத்தமல்லி இவைகளை பச்சையாக சேர்க்கவும்.தேவைக்கேற்ப உப்பு சேர்க்கவும். அனைத்தையும் நன்றாக கலக்கி விடவும். சுவைக்கு துருவிய தேங்காய் பூ ஒரு ஸ்பூன் சேர்த்துக்கொள்ளலாம். இவற்றுடன் வாழைத்தண்டு மற்றும் பெரு நெல்லிக்காய் இவற்றையும் சேர்த்துக் கொள்ளலாம்.சுவை மேலும் கூடும். ஆரோக்கியம் அபரிதமாக பெருகும்.