கடாயில் நெய் விட்டு அரைக்க கொடுத்த பொருட்களை வறுத்து ஆறியதும் மிக்சியில் அரைத்துக் கொள்ளவும். காய்கறிகளை நீளவாக்கில் நறுக்கிக் கொள்ளவும். புளியை 1 டம்ளர் தண்ணீர் விட்டு கரைத்து உப்பு சேர்த்து கொள்ளவும்.

குக்கரில் அரிசி, பருப்பு, மஞ்சள்தூள், எண்ணெய் 1 டீஸ்பூன், பெருங்காயத்தூள், பிஸிபேளாபாத் பொடி அனைத்தையும் ஒன்றாக சேர்த்து 6 டம்ளர் தண்ணீர் விட்டு, நன்றாக கொதி வந்ததும் காய்கறிகளை சேர்த்து 4 அல்லது 5 விசில் விட்டு அடுப்பை நிறுத்தவும்.

கடாயில் 1 டீஸ்பூன் நல்லெண்ணெய் விட்டு கடுகு, கறிவேப்பிலை தாளித்து புளிக்கரைசலை ஊற்றி கொதி வந்ததும் வெந்த சாதத்தில் கொட்டவும். 2 டீஸ்பூன் வறுத்து அரைத்த பொடியையும் சாதத்தில் கொட்டி நன்றாக கிளறி, சிறு தீயில் 2 நிமிடம் வைத்து இறக்கவும். கடைசியாக ஒரு சட்னி கரண்டி அளவு நெய்யை ஊற்றி கிளறி, கொத்தமல்லித்தழையால் அலங்கரித்து பரிமாறவும்.