தேங்காயை துருவி மிக்சியில் இட்டு அரை கப் திக்கான பால் எடுக்கவும்.

மீண்டும் அரைத்து இரண்டாம் பால் இரண்டறை கப் எடுக்கவும்.

புளியைக் கழுவி விட்டு இரண்டாம் பாலில் ஊற வைக்கவும்

மிக்சியில் பூண்டு.சீரகம்.மிளகு.சோம்பு.சி.வெங்காயம் சேர்த்து கொர கொரப்பாக அரைக்கவும்.

புளி ஊற வைத்த இரண்டாம் பாலை கலக்கி சக்கை நீக்கி வடித்து வைக்கவும்.

கடாயில் எண்ணெய் ஊற்றி கடுகு சேர்த்து வெடிக்க விட்டு ப.மிளகாய் கீறி போடவும்.

அதிலேயே ம.தூள்.தக்காளி சேர்த்து வதக்கி அரைத்த கலவை சேர்த்து பச்சை வாசனை போகும் வரை கிளறவும்.

அதில் புளி கரைத்து வடித்த இரண்டாம் பாலை ஊற்றி உப்பு சேர்த்து கொதி வர விடவும்.

அதில் முதல் பாலான திக்கான அரை கப் பால் சேர்த்து கறிவேப்பிலை.மல்லி இலை சேர்த்து இலேசாக கொதி வரும் போதே அடுப்பை அணைக்கவும்.