સૌપ્રથમ આખામસુર લઈ તેને સારી રીતે ધોઈને 3 થી 4 કલાક માટે પલાળી દેવા અને જો તમારી પાસે ટાઈમ ન હોય તો તમે એક થી દોઢ કલાક પણ પલાળી શકો છો તો પણ સરસ થશે

પછી મસૂરને કુકરમાં લઈ મીઠું નાખી મસૂર ડૂબે એટલું પાણી નાખી મીડીયમ ફ્લેમ ઉપર એક થી બે સીટી વગાડી લેવી

હવે એક પેનમાં ઘી લઈ તેમાં ખડા મસાલા નાખી જીરું નાખી ખડા મસાલાને બે મિનિટ સોતે કરવા જેથી તેની ફ્લેવર ઘીમાં બેસી જાય પછી તેની અંદર ઝીણી સમારેલી ડુંગળી અને ક્રશ કરેલા આદુ મરચાં લસણ નાખી ડુંગળી બ્રાઉન કલરની થાય ત્યાં સુધી સાંતળવી

ડુંગળી બરાબર સંતળાઈ જાય અને ગોલ્ડન બ્રાઉન થઈ જાય એટલે તેની અંદર સ્વાદ પ્રમાણે મીઠું મરચું હળદર ધાણાજીરૂ નાખી મસાલાને બરાબર સોતે કરવા અને થોડું પાણી ઉમેરવું જેથી મસાલા બળી ન જાય પછી તેલ છૂટું પડે ત્યાં સુધી કુક કરવું પછી તેની અંદર બાફેલા મસૂર ઉમેરી મિક્સ કરી લેવું

પછી તેની અંદર દહીં ઉમેરી સતત હલાવતા રહેવું ધીમા ગેસ ઉપર જેથી દહીં ફાટી ન જાય પછી તેની અંદર પંજાબી ગરમ મસાલો અને ઝીણો સમારેલો ફુદીનો અને કોથમીર નાખી મિક્સ કરી જરૂર જણાય તો ગરમ પાણી નાખી પાંચથી સાત મિનિટ કૂક કરવું

પછી ગરમા ગરમ મસૂર મુસલમ ને તળેલા કાજુ થી ગાર્નીશ કરી સર્વ કરો