સૌ પ્રથમ ચણાની દાળને એક બાઉલમાં અને મગ-અડદ દાળને અલગ બાઉલમાં ૪ કલાક માટે પલાળી રાખો. ૪ કલાક બાદ દાળ ધોઈને મિક્સરમાં દહીં અને પલાળેલા પૌંઆ નાખી વાટી લો. ૪ થી ૫ કલાક માટે ખીરુ આથો લાવવા માટે મૂકી દો.

આથો આવી જાય એટલે ઢોકળીયામા પાણી ગરમ કરવા મૂકો. હવે ખીરામાં આદુ, મરચાં, મીઠું, તેલ, સોડા, હળદર પાવડર, ચણાનો લોટ ઉમેરી બરાબર હલાવી લો. ખીરૂ ચમચાથી રેડી શકાય એવું રાખવું. તલથી ગ્રીસ કરેલી થાળીમાં ખીરુ રેડી દો. ૧૦ થી ૧૨ માટે બાફવા મૂકો.

ચટણી માટેની બધી સામગ્રી મિક્સ કરી વાટી લો. ૧/૨ થી ૧/૪ કપ પાણી રેડી બરાબર મિક્સ કરી લો. ચટણી માટે ખમણ બનાવવા લોચાનુ ખીરુ પાતળું કરવા પહેલાં નાની ડિશમાં કાઢો અને બાફી લો.

૧૦ થી ૧૨ મિનિટ બાદ થાળી કાઢી ડિશમાં કાઢો અને તેલ, ડુંગળી, ચટણી, સેવ ઉમેરો તેમજ મસાલો છાંટો.

ચીઝ લોચા માટે લોચા ઉપર છીણેલું ચીઝ પાથરો અને ૨ થી ૩ મિનિટ માટે ઢોકળીયામા મૂકો. ચીઝ ઓગળે એટલે મસાલો છાંટો.

બીજી ફ્લેવર્સ માટે તેલને બદલે બટર ઉમેરી શકો. તેમજ લીલું લસણ અને બટર ઉમેરો એટલે ગાલીર્ક બટર લોચો તૈયાર કરી શકો. ચીઝ ઉમેરો એટલે ‌ચીઝ ગાલીર્ક બટર લોચો તૈયાર થઈ જાય.