प्रथम मिक्सरमध्ये हिरवी मिरची व आलं घालून पेस्ट करा. गुळ व पाणी घालून ठेवा. बाउल मध्ये बाजरी पीठ, गहू पीठ, चिरलेली मेथी व कोथिंबीर घाला.

त्यात हळद, जिरेपूड, मिरपूड, ओवा, हिंग, सफेद तीळ, हिरव्या मिरचीची पेस्ट, मीठ घाला.

गुळाच पाणी, तूप घालून एकजीव करा. आता दही हवं तेवढं घालून त्यातच मळा, शक्यतो पाण्याचा वापर करू नका. वरून तूप लावून ठेवा.

पिठाचे समान दहा गोळे करून घ्या. पोळपाटावर गोळ्याला गव्हाचं पीठ लावून जाडसर लाटा.

तव्यावर तूप लावून लाटलेले मेथी ढेबरा खरपूस भाजून घ्या (छोटे असतील तर एका वेळेला तीन तव्यावर टाकून भाजून घ्या, भाजताना तूप लावून भाजा.

खायला तयार आहेत मेथी ढेबरा, हे दही, टोमॅटो सॉस, हिरवी चटणी किंवा लोणच्याबरोबरही खाऊ शकता.