Za'a surfa wake a wanke shi a gyara shi tas duk a fitar da fatar. Sai a yanka albasa, a zuba attaruhu da barkono dai-dai misali a markada tare da waken.

Da zarar an markada sai a kawo gishiri, sinadarin dandano, da dan spices kadan, a zuba manja da mai kadan, a yanka albasa kanana a zuba, a kawo ruwan dumi a zuba dai-dai misali, baza a saki ruwan da yawa ba, a juya ya hadu sosai.

Za'a daka cray fish, a gyara kifi a zuba su cikin kullin, za'a iya hadawa da dafaffen kwai a cikin kullin ko kuma bayan an zuba a gwangwani sai a saka Kwan.

Daman kin tanadi gwangwaneyen ki ki wanke su sun bushe sai a shafe cikin su da man ja a zuba kullin a ciki kamar rabin gwangwanin.

A jera a cikin steamer ko a kawo tukunya a zuba ruwa a sami wani murfin tukunya da zai shiga ciki sai a jera gwangwaneyen akai a rufe da fai-fai da murfi yadda iska baza ta shiga ba kuma tururin bazai fita ba a dora a wuta ya dahu. Idan ya dahu za'a ga ya cika gwangwanin.