મગની દાળને ત્રણથી ચાર કલાક પહેલા પલાળી દેવી. હવે પાણીની કાઢી મિક્સરમાં આદુ અને મરચાની ઉમેરી તેની પેસ્ટ બનાવી લેવી. ઢોસા બનાવવા માટે જેવું ખીરું બનાવીએ છીએ તેવુંજ ખીરું આપણે મગની દાળનું બનાવીશું. બટેટાને બાફી માવો બનાવી. મગની દાળના મિશ્રણમાં મીઠું ઉમેરી દેવું.સેવ,બી,દાડમના દાણા,જીણી સમારેલી ડુંગળી,લસણની ચટણી,મીઠી ચટણી બધી જ સામગ્રીઓ સાથે લઈ લેવી. એક કડાઈમાં તેલ ગરમ કરી તેમા દાબેલીનો મસાલો ઉમેરો અને એક ગ્લાસ પાણી ઉમેરી ઉકળવા દેવું. હવે તેમાં બાફેલા બટેટાનો માવો અને સ્વાદ પ્રમાણે મીઠું ઉમેરી મિક્સ

મિશ્રણ અને થોડીવાર પછી એક મોટી થાળીમાં ફેલાવી દેવું.હવે તેના પર ગુલાબની પાંદડી નાળિયેરનું ખમણ અને કોથમીર નાખી ગાર્નિશ કરો.

એક નોનસ્ટિક લોઢી પર મગની દાળના ખીરામાંથી 1 મોટો ચમચો ખીરું લઇ ફેલાવી દેવું. હવે તેના પર બટેટા નો મસાલો, મીઠી અને લસણની ચટણી, સેવ ડુંગળી,અને મસાલાવાળા બી સરખી રીતે પાથરી દો. એકથી બે ચમચી તેલ નાખી સરખી રીતે કડક કરવા માટે ધીમો ગેસ કરી ૨થી ૩ મિનીટ સુધી પાકવા દો.