સેવપુરી ની પૂરી બનાવવા, ઘઉંના કરકરા લોટ માં વાટેલું જીરું, નમક અને ૨ ચમચી મોણ નાખી થોડો કઠણ લોટ બાંધી લ્યો.હવે ૧૦ મિનિટ પછી આ લોટ માંથી મોટી પૂરી વણી, તેમાં ઢાકણ થી નાની પૂરી બનાવી, કાપા પાડી લ્યો.

હવે આ પૂરીને બદામી કલરની તળી લ્યો.હવે એક ડીશ માં બટાકાને છુન્દી, ઝીણી સમારેલી ડુંગળી ઉમેરી, નમક નાખી માવો તૈયાર કરો.

હવે એક ડીશ માં પૂરી ગોઠવી, તેના પર બટાકાનો માવો મુકો.હવે તેના પર લીલી ચટણી, ખજૂર આમલીની ચટણી, લસણની ચટણી છાંટી ઉપર ચાટ મસાલો ભભરાવો.હવે ઉપરથી સીંગદાણા, સેવ, કોથમીર છાંટી સર્વ કરો.