સૌ પ્રથમ મિંજા માટેની બધી સામગ્રી તૈયાર કરી લેવી. હવે બેસનમાં પાણીનો ધાબો આપી હલકા હાથે ચોળીને દાણાદાર લોટ તૈયાર કરી લો

હવે કઢાઈમાં તેલ ગરમ કરી તેમાં હિંગનો વઘાર કરી તેમાં કાંદા સાંતળી લેવા. કાંદા નરમ પડે એટલે હળદર, મીઠું, મરચું અને ધાણાજીરું નાંખી સરખી રીતે મિક્સ કરી 1 મિનિટ સુધી સાંતળો

વઘારેલા કાંદામાંથી તેલ છુટું પડે એટલે બેસનના દાણા ઉમેરી 1 મિનિટ માટે સાંતળી લો

હવે તેમાં 1 વાટકી પાણી ઉમેરી 5-7 મિનિટ સુધી ચડવા દો

હવે તેમાંથી પાણીનો ભાગ બળી જાય અને તેલ છુટું પડે એટલે ગેસ બંધ કરી દો. તૈયાર છે ગરમા ગરમ મિંજા. આ શાક રોટલી તથા ભાત બંને સાથે ખાવાની મજા પડે છે.