प्रथम माठाची भाजी स्वच्छ धुवून निवडून बारीक चिरून घ्यावी. इतर सर्व साहित्य वाटी मध्ये काढून घ्यावे.

परातीत गह्वाचे पीठ घ्यावे. त्यात बेसन व तांदूळाचे पीठ घालावे.

जीरे, ओवा व तीळ घालावे.

हळद, तिखट व मीठ घालून घ्यावे.

धणे पावडर घालून मीक्स करून घ्यावे. त्यात बारीक चिरलेली माठाची भाजी घालावी.

आलं-लसूण व हिरव्या मिरचीची पेस्ट, दही व तेल घालून घ्यावे.

हिंग घालावा. लागेल तसे पाणी घालून सैलसर पीठ मळून घ्यावे. तेलाचा हात लावून पीठ 1/2 तास झाकून ठेवावे.

अर्ध्या तासाने तेलाचा हात लावून पीठ छान मळून घ्यावे. हवे त्या आकाराचे गोळे करून घ्यावे.

एक गोळा घेऊन त्याची पातळसर पोळी लाटून घ्यावी. गॅसवर तवा गरम करायला ठेवावा. त्यावर लाटलेला ठेपला घालावा. उलट-पालट करून दोन्ही बाजूंनी भाजून घ्यावा. वरून तेल, तुप किंवा बटर जे हवे ते लावून ठेपले भाजून घ्यावे.

अशा प्रकारे सर्व ठेपले भाजून घ्यावे. ओल्या नारळाच्या चटणीबरोबर खायला द्यावे.