સૌપ્રથમ ચોખાને ધોઈને 1/2 પોણો કલાક પાણીમાં પલાળી રાખો. બધું જ શાકભાજી મીડિયમ સાઇઝનાં સુધારી લેવુ. પનીર ના બી નાના-નાના ટુકડા કરી લેવા.

ગાજર. બટાકા.ફ્લાવર.માં ત્રણ ચમચી દહીં નાખો એને તેમાં મીઠું મરચું થોડી હળદર ઉમેરી હલાવી અને મેરીનેટ કરવા મૂકી દો. પનીરના પણ નાના ટુકડા કરી તેમાં પણ દહીં મરચું મીઠું ધાણાજીરું ઉમેરી બાજુ મા મુકી રાખો.

બે ચમચી તેલ મૂકી તેમાં પહેલા કાજુ તળી લેવા પછી કેપ્સીકમ તળી લેવા અને પછી તેમાં જ ડુંગળી પણ બ્રાઉન કલરની થાય ત્યાં સુધી તળી લેવી.

મેરીનેટ કરેલા શાક ને ઢાંકી દેવું તેમાં થોડું પાણી ઉમેરી અને ૮૦ ટકા જેટલું ચડાવી લેવું.શાક 1/2 પાકું ચડી જાય પછી તેમાં એક ચમચી કાશ્મીરી લાલ મરચું સ્વાદ પ્રમાણે મીઠું અને ગરમ મસાલો અને ધાણાજીરૂ ઉમેરી હલાવી લેવું.

હવે એક કઢાઈમાં કે નોનસ્ટીક પેનમાં ઘી અને તેલ ગરમ મૂકી તેમાં જીરું એડ કરવું જીરૂ તતડી જાય એટલે ગેસ બંધ કરી તેની ઉપર સાંતળેલો શાક પાથરો. પછી તેના ઉપર આસાવેલા ભાતનું એક પતલુ લેયર કરો..

પહેલા શાકનું પછી ભાતનું અને ફરી પાછુ શાકનું લેયર કરી તેની ઉપર ફરી બધા વધેલા ભાત પણ પાથરી લો.

હવે તેમાં ઉપરથી એક ચમચી ચોખ્ખું ઘી એડ કરો. આ ટાઈમે કેસરવાળું દૂધ ઉમેરી શકાય છે.હવે રોટલીનો લોટ બાંધી અને આની ફરતે ચોંટાડી દો અને એની ઉપર ફીટ ઢાંકણું દબાવી અને તપેલું બંધ કરી દો. કુકર અથવા તો તપેલાને નીચે લોઢી મૂકી અને પહેલાં પાંચ મિનિટ ગેસ ફાસ રાખી અને અંદર સ્ટીમ થવા દો. પછી ગેસ એકદમ ધીમો કરી ૨૦ મિનિટ સુધી તેને ચઢવા દો.

ગેસ પરથી નીચે ઉતારી થોડીવાર તેને તેમજ સીઝવા દો દસ મિનિટ પછી ઉપરથી ઢાંકણું લઈ કોથમીરથી ગાર્નિશ કરો અને કાજુ અને દ્રાક્ષ ઉમેરી દો અને તૈયાર છે તમારી ડબલ લેયર વાળી વેજ બિરયાની..