સૌ પ્રથમ ટિંડોળા ને સારી રીતે ધોઈને સૂકા કરી લેવાં. તેને ઉપર - નીચે થી kapi, ઉભા ચીરી લેવાં. ફોટો માં બતાવ્યું છે. હવે ગેસ પર કડાઈ મૂકી, તેમાં તેલ નાંખી ગરમ થવા દેવું. ગરમ થાય એટલે તેમાં વઘાર ની સામગ્રી નાંખી, તાડતાળવા દેવું. હવે તેમાં આદું - મરચાં - લસણ ની પેસ્ટ નાંખવી. હલાવી સૉટે કરવું.

હવે તેમાં હળદરનાંખવી, હલાવી ટિંડોળા ઉમેરવાં. ટિંડોળા ને મસાલા સાથે સારી રીતે મિક્સ કરવું. સ્વાદપ્રમાણે મીઠું ઉમેરવું. ઢાંકીને, સ્લો ગેસ પર 10 મિનિટ જેવું થવા દેવું. વચ્ચે વચ્ચે હલાવવું. થાય ત્યાં સુધી આપણે સૂકા મસાલા બનાવી લઈએ.

એક મિક્સર જાર માં શેકેલા શીંગદાણા, તલ, સેવ (મારી પાસે અહીં જીણી સેવ હતી એજ લીધી છે), ડેસિકેટેડ કોકોનટ (અહીં મેં સૂકા નારિયેળ ના ટુકડાં લીધાં છે, તેને પહેલાં મીક્ષી માં જીણું પીસી લીધું.) પછી તેમાં શીંગદાણા, તલ અને સેવ નાંખી કરકરું દળી લીધું.

હવે આ મિક્સર ને એક પ્લેટ માં કાઢી લેવું. તેમાં ધાણા - જીરું પાઉડર, કાશ્મીરી લાલ-મરચું, ગરમ મસાલો, શક્કર, લીંબુરસ નાંખી મિક્સ કરવું.

હવે તેમાં કોથમીર નાંખી, હાથેથી સારી રીતે બધાજ મસાલાને મિક્સ કરી લેવું. પિક્ચર માં બતાવ્યું છે, એ પ્રમાણે. આ મસાલા ને તમે થોડો યુઝ કરી, એર ટાઈટ બોટલ માં ભરી ફ્રીઝર માં મૂકી દેવો. જેથી બીજા કોઈ ભરેલા શાક બનાવવા માટે વાપરી શકાય.

હવે આપના ટિંડોળા સરસ રીતે કૂક થઇ ગયા. તેમાં 2મોટી ચમચી ભરીને તૈયાર કરેલો મસાલો ઉમેરી સારી રીતે મિક્સ કરવો. હલાવી, ઢાંકીને, 2-4 મિનિટ થવા દેવું. હવે ગેસ બંધ કરી, પ્લેટ માં સર્વ કરવું.

રોટલી કે ફુલ્કા સાથે સર્વ કરો. અહીં મેં આંબા નો રસ પણ સર્વ કર્યો છે. છે ને સરસ કોમ્બિનેશન. આટલા માંજ મઝા પડી જાય. બીજું કઈ ના જોઈએ. 😊