ભાખરી ના પીઝા બેઝ બનાવવા માટે
*********************
એક વાસણ મા ભાખરી પિઝાનો બેઝ બનાવવા માટે ઘઉંનો જાડો લોટ અને ઘઉંનો જીણો લોટ ઉમેરી તેમાં મીઠું, અજમો, ઓરેગાનો, ચીલી ફ્લેક્સ, ઘી ઉમેરી બરાબર મિક્સ કરી લો. હવે આમાં થોડું થોડું પાણી ઉમેરી ભાખરી જેવો કઠણ લોટ બાંધી લો. ને આ લોટ નાં કણક ને 30 મિનિટ ઢાંકી ને મૂકી દો.

પનીર ટીક્કા બનાવવા માટે
**************
એક બાઉલ માં પનીર ના કયુબ, મીઠુ, ધાણા જીરું પાઉડર, ગરમ મસાલો, કાશ્મીરી લાલ મરચું પાઉડર,દહીં, ચણાનો લોટ અને ચાટ મસાલો ઉમેરી મિક્સ કરી લો.ઢાંકણ બંધ કરી 30 મિનિટ રહેવા દો.
હવે એક પેન ગરમ કરી તેલ મૂકી પનીર ને બ્રાઉન થાય ત્યા સુધી શેકી લો.

ભાખરી ના લૂઆ કરી ભાખરી વણી તેના ઉપર કાટા ચમચી થી કાણા પાડી બંને બાજુએ શેકી લો. ત્યારબાદ તેના પર પીઝા સોસ લગાવી, તેના ઉપર ચીઝ છીણી લો. પછી ટામેટા,ડુંગળી, કેપ્સિકમ, ઓરેગાનો, રેડ ચીલી ફ્લેક્સ, ઓલીવ્સ, જેલેપીનો થી ટોપિંગ કરો. છેલ્લે પનીર ટીક્કા ગોઠવી દો. ઢાંકી ચીઝ મેલ્ટ થાય ત્યા સુધી કૂક કરો.
તૈયાર છે સર્વ કરવા માટે પનીર ટીક્કા ભાખરી પીઝા.