સૌ પ્રથમ મંચુરિયન બોલ્સ બનાવવા માટે વધેલી રોટલી ના ટુકડા કરી ને ને ચોપર માં જીણું વાટી લો. હવે તેને એક બાઉલ માં લઇ તેમાં ઉપર જણાવેલ મંચુરિયન બોલ્સ ના બધા ઘટકો ઉમેરી ને બરાબર મિક્સ કરી લો. પાણી બિલકુલ ઉમેરવાનું નથી. શાકભાજી માં રહેલ મોઈશ્ચર થી જ બાઈન્ડીંગ આવી જશે. હવે તેના જોઈતી સાઈઝ પ્રમાણે ગોળા વાળી લો.

આ બોલ્સ ને મીડીયમ ફ્લેમ પર તેલ માં ગોલ્ડન બ્રોવન તળી લો. મંચુરિયન બોલ્સ તૈયાર છે. (નોંધ: તેલ માં બોલ્સ તળતી વખતે એક સાઈડ બરાબર ફ્રાય થઇ જાય પછી જ ચમચી વડે સાચવી ને ઉથલાવી બીજી સાઈડ ને પણ ફ્રાય કરવી) એક બાઉલ માં કોર્ન ફ્લોર અને પાણી ને મિક્સ કરી સ્લરી બનાવી લો. બરાબર હલાવવું જેથી ગઠ્ઠા રહી નહિ જાય.

ડ્રાય મંચુરિયન ની ગ્રેવી બનાવવા માટે હવે એક પેન માં તેલ ગરમ કરી તેમાં સમારેલા લીલા મરચાં અને લસણ ને સાંતળો. હવે તેમાં જીણું સમારેલું ગાજર, કેપ્સિકમ, કાંદો અને કોબીજ ઉમેરી ને એક મિનિટ માટે સાંતળો. હવે તેમાં સોયા સોસ, ટોમેટો કેચપ, મરી પાવડર અને સ્વાદ પ્રમાણે મીઠું ઉમેરી ને મિક્સ કરો. ત્યારબાદ તેમાં કોર્ન ફ્લોર ની સ્લરી ઉમેરી મિક્સ કરો અને ગ્રેવી થોડી ઘટ થાય ત્યાં સુધી કૂક કરો. ત્યારબાદ તેમાં મંચુરિયન બોલ્સ ઉમેરો અને 2 મિનિટ કૂક કરી ઉપર સ્પ્રિંગ ઓનિયન વડે ગાર્નિશ કરો.

ગ્રેવી મંચુરિયન બનાવવા માટે ઉપર ના સ્ટેપ માં કોર્ન ફ્લોર ની સ્લરી નું પ્રમાણ ગ્રેવી ની જોઈતી કન્સીસ્ટન્સી પ્રમાણે વધારે રાખવું.

તો તૈયાર છે લેફ્ટઓવર રોટલી માંથી બનાવેલ ટેસ્ટી એન્ડ સ્પાઈસી વેજ મંચુરિયન. ઈચ્છા મુજબ પ્લેટિંગ કરો અને ગરમા ગરમ સર્વ કરો. તે બહાર થી ક્રિસ્પી અને અંદર થી ખૂબ જ સોફ્ટ લાગે છે. ટેસ્ટ માં પણ તે રેગ્યુલર મંચુરિયન જેવા જ લાગે છે અને બિલકુલ ખ્યાલ પણ ના આવે કે રોટલી માંથી બનાવેલ છે.