પહેલા લાલ મરચાંને ધોઈ કપડાથી લૂછી કોરા કરી લો હવે કાતર વડે તેને કાપી લો કાતર વડે એટલા માટે કે તમારા હાથ બળે નહીં ચાકુથી કાપશો તમારા હાથ ખૂબ જ બળશે. હવે તેને લીંબુ અને મીઠું ઉમેરી એક કલાક માટે રાખી મૂકો જેથી મરચાની તીખાશ ઓછી થઈ જાય એક કલાક પછી તેને પાણી નિતારી પંખા નીચે સૂકવી દો

કઢાઈમાં તેલ ગરમ મૂકી તેની અંદર હીંગ ઉમેરો હવે તેમાં રાઈ ના કુરિયા, ધાણાના કુરિયા, મેથીના કુરિયા ઉમેરો. કુરિયા તેલમાં બરાબર મિક્સ થઈ જાય એટલે તેમાં સમારેલા લાલ મરચા ઉમેરો થોડીવાર થવા દો ત્યારબાદ તેમાં ગોળ ખારેકના ટુકડા વરીયાળી બધુ ઉમેરો ગોળ ઓગળી જાય ત્યાં સુધી તેને હલાવી રાખો જેથી કરીને ઘાટો રસ થઈ જાય વધારે વાર રાખવાના નથી નહિતર ગોળ ની પાઇ થઇ જશે. તૈયાર છે લાલ મરચા નું ગળ્યું અથાણું જે ખૂબ જ સ્વાદિષ્ટ લાગે છે ઝડપથી બની જાય છે અને ક્યારેક મુસાફરીમાં જમવાનું હોય તો ખૂબ જ મજા પડે છે