સૌ પ્રથમ પૌવા ને ડૂબ પાણી થી ધોઈ અને ચારણી માં નિતારી 5 મિનિટ કોરા થવા દેવા.પછી તેમાં હળદર,મીઠું અને ખાંડ ઉમેરી મિક્સ કરી લેવું.

પૌવા ને એમ જ 5 મિનિટ વરાળ માં સ્ટીમ કરી લેવા અને હાથેથી છૂટા કરી લેવા. ઇન્દોરી પૌવા માં ફોટામાં બતાવ્યા પ્રમાણે નો મસાલો જીરાવન વપરાય છે. જે મેઈન ઘટક છે.

કડાઈ માં તેલ ગરમ કરી રાઈ,જીરું તતડે એટલે હિંગ ઉમેરી દેવી પછી ડુંગળી સાંતળી લેવી.ત્યાર બાદ લીમડો,લીલા મરચા અને વરિયાળી સાંતળી લેવા.

તેમાં ચપટી હળદર અને મીઠું ઉમેરી પૌવા ઉમેરી દેવા.પૌવા પહેલે થી જ બાફેલા હોવાથી 2 મિનિટ મિક્સ કરી ગરમ થાય એટલે 1 ચમચી જીરાવન મસાલો,અને લીંબુ ઉમેરી મિક્સ કરી ઉતારી લેવું.

તૈયાર થયેલા પૌવા ને પ્લેટ માં લઈ ફરી થોડો જીરાવન મસાલો છાંટો..ઉપર દાડમ,શીંગ અને રતલામી સેવ અને ડુંગળી ભભરાવવી.સર્વ કરવા માટે તૈયાર છે ઈન્દોરી પૌવા.

તળેલા શીંગદાણા ની બદલે મે અહી શેકેલા યુઝ કર્યા છે..