બટાકા બફાઈ જાય ત્યાર બાદ છોલી તેમાં ઝીણા ઝીણા છેદ પાડો (એક બટાટામાં આશરે ૨૦ જેટલા છેદ લગાવવા જેથી મસાલો અંદર સુધી જાય.) ત્યાર બાદ બટાકા ને ગોલ્ડન બ્રાઉન થાય ત્યાં સુધી તેલ માં તળી લો.

એક બાઉલમાં એક કપ દહીં અને તેમાં વરિયાળી મસાલો, સૂંઠ પાઉડર, અને 1/2 કાશ્મીરી મરચું ઉમેરો. હવે તેને સરસ રીતે મિક્સ કરી લો.

એક પેનમાં વઘાર માટે તેલ મૂકો. હવે તેમાં રાઈ નાખો. તે તતડે ત્યાર બાદ તેમાં દહીં વાળું મિશ્રણ ઉમેરી લો. તે મિશ્રણને બરાબર વઘારમાં હલાવી લો.હવે તેમાં બાકી રહેલ કાશ્મીરી મરચું, હળદર, મીઠું ઉમેરી બરાબર મિક્સ કરી લો. એક મિનિટ સુધી પકાવી લો. હવે તેમાં બધા બટાકા ઉમેરી લો.

હવે આ મિશ્રણ ને બરાબર હલાવી તેના એક કપ પાણી ઉમેરી ધીમા તાપે ચડવા દો. લગભગ ૪ થી ૫ મિનિટ સુધી ચડવા દીધા બાદ શાકમાંથી તેલ છૂટું પડે ત્યારે ફરીથી હલાવી તેમાં સમારેલી કોથમીર ઉમેરીને તેને ગરમા ગરમ સર્વ કરો.