સુકા મરચા માં ના બે કટકા કરીને તેમાંથી બધા બીયા ખંખેરી નાખવા. એક તપેલીમાં એક કપ પાણી લઈ મરચા ઉકાળવા મુકવા. મરચા ઉકળી જાય એટલે ગેસ બંધ કરો અને ઠંડા થાય પછી તેને મિક્સરમાં વાટીને તેની પેસ્ટ બનાવવી.

એક પેનમાં તેલ લઈને તેમાં લસણ અને આદુ અને સેલરી નાખીને તેને સાંતળવુ. તે સંતળાઈ જાય એટલે તેમાં મરચાની પેસ્ટ નાંખવી અને મધ્યમ તાપે તેને સાંતળવી.

બધું બરોબર સાંતળાઈ જાય અને તેલ છુટુ પડે એટલે તેમાં મીઠું, સોયા સોસ, ખાંડ, કોનૅ ફ્લોર, વિનેગર અને ટોમેટો સોસ નાખીને હલાવવું. અને થોડીક વાર ગેસ પર ચડવા દેવું. બધું બરાબર મિક્સ થઈ જાય અને ચડી જાય એટલે ગેસ બંધ કરી દેવો અને ઠરે એટલે તેને એરટાઇટ કાચની બરણીમાં ભરી લેવું.