முதலில் மட்டனை அலசி எடுத்துக் கொள்ள வேண்டும்.பின்பு அந்த மட்டனில் ஒரு ஸ்பூன் இஞ்சி பூண்டு பேஸ்ட் ஒரு ஸ்பூன் மிளகாய்த்தூள் முக்கால் ஸ்பூன் மல்லித் தூள் கால் ஸ்பூன் மஞ்சள் தூள் உப்பு தேவைக்கேற்ப சேர்த்து பிசறி வைக்கவும்.

பின்பு குக்கரில் ஒரு ஸ்பூன் எண்ணெய் ஊற்றி இந்த மட்டனில் 2 நிமிடம் வதக்கி விட்டு பிறகு 7 விசில் விடவும்.

பின்பு மட்டனையும் அதில் இருக்கும் தண்ணீரையும் வேறு பாத்திரத்திற்கு மாற்றி விட்டு விடவும். பின்பு குக்கரில் 2 ஸ்பூன் எண்ணெய் சேர்த்து தாளிப்பு பொருட்களை சேர்க்கவும்.

தாளிப்பு பொரிந்தவுடன் நறுக்கிய சின்ன வெங்காயம் சேர்த்து பூண்டையும் சேர்த்து வதக்கவும்.

நன்கு வதங்கிய பிறகு தக்காளி சேர்த்து மசியும் வரை வதக்கவும். இதில் ஒன்றரை ஸ்பூன் இஞ்சி பூண்டு பேஸ்ட் சேர்த்து பச்சை வாசனை போகும் வரை வதக்கவும்.

பின்பு ஒரு ஸ்பூன் மிளகாய்தூள் ஒரு ஸ்பூன் மல்லித் தூள் சேர்த்து உப்பையும் சேர்த்து நன்கு வதக்கி எடுக்கவும். மட்டனில் இருக்கும் தண்ணீரை சேர்த்து கிளறி விடவும்.

பச்சை வாசனை போன பின்பு வேக வைத்த மசாலா மட்டனை சேர்க்கவும். பத்து நிமிடம் நன்கு வதக்கி விடவும். பின்பு இரண்டு ஸ்பூன் தேங்காய் பேஸ்டை சேர்க்கவும். காரத்திற்கு ஏற்ப ஒரு ஸ்பூன் பெப்பர் தூளையும் சேர்த்து கிளறி விடவும்.

கொத்தமல்லி இலை தூவி பரிமாறவும்.