ராகி முட்டூ செய்ய: வாணலியில் கொடுத்துள்ள தண்ணீரில் இருந்து 1/2 கப் நீர் தனியாக எடுத்து விட்டு மீதமுள்ள தண்ணீரை உப்பு சேர்த்து கொதிக்க விடவும், பின் எடுத்து வைத்துள்ள தண்ணீரில் ராகி மாவை தூவி கட்டியில்லாமல் நன்கு கரைத்து கொள்ளவும், பின் கொதித்ததும் கரைத்து வைத்துள்ள ராகி மாவு கரைசலை சிறிது சிறிதாக ஊற்றி நன்கு கிளறவும், கைவிடா தொடர்ந்து நன்கு அழுத்தி அழுத்தி விட்டு கிளறவும்

கைகளில் சிறிது தண்ணீர் தொட்டு கொண்டு மாவை எடுத்து தொட்டு உருட்டி பார்த்தால் கைகளில் ஒட்டாமல் வருவது பதம் ராகி வெந்ததும் நன்கு மணம் வர ஆரம்பிக்கும் பின் சற்று ஆறியதும் (கைப்பொறுக்கும் சூட்டில்) கைகளில் சிறிது நல்லெண்ணெய் தொட்டு கொண்டு பந்து போல் உருட்டி வைக்கவும்

உப்பு நசுரூ செய்ய: வேகவைக்க கொடுத்துள்ள பொருட்களை குக்கரில் போட்டு எண்ணெய் மற்றும் மஞ்சள் தூள் சேர்த்து குக்கரை மூடி 2_3 விசில் வந்ததும் இறக்கவும்

பின் அரைக்க கொடுத்துள்ள பொருட்களை மிக்ஸியில் போட்டு விழுதாக அரைத்து எடுக்கவும்

பின் வாணலியில் எண்ணெய் விட்டு சூடானதும் கடுகு சேர்த்து வெடித்ததும், கடலைப்பருப்பு, உளுத்தம்பருப்பு,வரமிளகாய், கறிவேப்பிலை, சேர்த்து வதக்கவும்,

பின் அரைத்த விழுது சேர்த்து மெல்லிய தீயில் வைத்து 5 நிமிடங்கள் வரை நன்கு வதக்கவும்,

பின் தேவையான அளவு தண்ணீர் ஊற்றி சிறிது உப்பு சேர்த்து நன்கு கொதிக்க விட்டு இறக்கவும்

உப்பை சேர்க்கும் போது கவனமாக சேர்த்து கொள்ளவும் ஏற்கனவே வேகவைத்த கீரை இல் உப்பு சேர்த்து உள்ளது அதனால் கவனமாக சேர்த்து கொள்ளவும்)

வாங்கி பாத் செய்ய: தேவையான பொருட்கள் அனைத்தையும் தயாராக எடுத்து வைக்கவும் கத்தரிக்காய் ஐ நீளவாக்கில் நறுக்கி கொள்ளவும் வாங்கி பாத் மசாலா அரைக்க கொடுத்துள்ள பொருட்களை எண்ணெய் விட்டு வதக்கி எடுத்து ஆறவிட்டு மிக்ஸியில் போட்டு பொடித்து கொள்ளவும்

வாணலியில் எண்ணெய் விட்டு சூடானதும் கத்தரிக்காய் ஐ சேர்த்து வதக்கவும் பாதி வெந்ததும் எடுத்து தனியாக வைக்கவும் பின் மீண்டும் சிறிது எண்ணெய் விட்டு சூடானதும் கடுகு சேர்த்து வெடித்ததும் கடலைப்பருப்பு உளுத்தம்பருப்பு முந்திரி வேர்க்கடலை ஆகியவற்றை ஒன்றன் பின் ஒன்றாக சேர்த்து நன்கு வதக்கவும்

பின் நறுக்கிய வெங்காயம் கறிவேப்பிலை சேர்த்து வதக்கவும் பின் வதக்கிய கத்தரிக்காய் ஐ சேர்த்து நன்கு வதக்கவும் பின் வாங்கி பாத் மசாலா தூள் மற்றும் மஞ்சள் தூள் உப்பு சேர்த்து நன்கு வதக்கவும் பின் 90 சதவீதம் கத்தரிக்காய் வெந்ததும் புளி பேஸ்ட் உடன் சிறிது தண்ணீர் சேர்த்து கரைத்து ஊற்றி நன்கு கிளறவும் பின் வெல்லத்தூள் சேர்த்து நன்கு கிளறவும்

பின் சூடான சாதத்தை சேர்த்து நன்கு கிளறி இறக்கவும்

இப்போது அனைத்தும் தயார் அதை அழகாக அடுக்கி பரிமாறவும்