સૌ પ્રથમ તપેલીમાં દૂધ લઈ ઉકાળવા મુકો અને દૂધ ઉપર આવે એટલે તેમાં થોડું થોડું કરી દહીં નાખતા જવું એટલે દૂધ ફાટવાનું શરૂ થશે પછી જરૂર લાગે તો વધારે દહીં ઉમેરો. પનીર અને પાણી પાણી છૂટું પડી જાય એટલે તેને એક કપડામાં નાખી નીચવી દો. પછી તેને પાણીથી ધોઈ પાછું બરોબર નીચવી દો.

હવે એક તાસરું લઇને તેમાં પનીર ઉમેરી કન્ડેન્સ મિલ્ક અને ઈલાયચી પાઉડર ઉમેરો પછી તેને મીડીયમ તાપે હલાવતા રહેવું. પનીર સાઈડ છોડે એટલે ગેસ બંધ કરો અને થોડું ઠંડું થાય એટલે તેના નાના બોલ્સ કરવા. પછી દરેક બોલની ઉપર કેસરવાળા પાણીનું ટપકું મૂકવુ.

હવે 1/2 કલાક ઢાંકીને રહેવા દેવું. પછી સર્વિંગ પ્લેટ માં મૂકી ખાવાના ઉપયોગમાં લેવુ. ભગવાનને પ્રસાદ તરીકે ધરાવી શકાય.