குக்கரில் துவரம் பருப்பை கழுவி சுத்தம் செய்து எடுத்து தேவையான அளவு தண்ணீர் ஊற்றி உப்பு, மஞ்சள் தூள் சேர்த்து 4 விசில் விட்டு வேக வைத்து எடுக்கவும்.பிறகு கரண்டியில் நன்றாக மசித்து வைத்துக் கொள்ள வேண்டும்.

வாணலியில் எண்ணெய், பட்டர் சேர்த்து சீரகம் தாளித்து பூண்டு, பெருங்காயத்தூள் சிறிதாக நறுக்கி சேர்த்து வதக்கி காய்ந்த மிளகாய் சேர்த்து வதக்கவும்.

இதில் வெங்காயம் சேர்த்து நன்கு வதக்கவும்.மஞ்சள் தூள், மல்லி தூள், உப்பு சேர்த்து வதக்கவும்.

தக்காளி சேர்த்து நன்கு மசித்து வதக்கவும்.இதில் சிறிதளவு கொத்தமல்லி இலை சேர்த்து வதக்கி மசித்த பருப்பை சேர்த்து கலந்து விடவும்.

பருப்பு சேர்த்து உப்பு காரம் சரிபார்த்து சிறிது நேரம் கொதி வந்ததும் கொத்தமல்லி இலை தூவி கொள்ளவும்.பிறகு தாளிப்பு கரண்டியில் நெய் ஊற்றி நன்கு காய்ந்த பின் சீரகம் தாளித்து கொள்ளவும்.

பிறகு மிளகாய் தூள், மல்லி இலை சேர்த்த பின் பருப்பில் சேர்த்து கொள்ள வேண்டும்.