કેપ્સીકમ અને ડુંગળીને ડાઈસ આકારમાં કટ કરી લેવા. લસણ, આદુ અને લીલી ડુંગળી ને ઝીણું સમારી લેવું. પનીરમાં મીઠું, મરી પાઉડર અને કોર્નફ્લોર નાખીને મિક્સ કરી લેવું.

પછી પનીરને ગોલ્ડન બ્રાઉન થાય ત્યાં સુધી તળી લેવું. ત્યારબાદ પેનમાં તેલ મૂકી લસણ આદુ, ડુંગળી અને લીલી ડુંગળી ઉમેરી અને તેલમાં સાંતળી લેવા. ત્યારબાદ તેમાં કેપ્સીકમ અને લીલા મરચાં ઉમેરી ને સાંતળી લેવું.

પછી તેમાં ડાર્ક સોયા સોસ, રેડ ચીલી સોસ, કેચઅપ, મીઠું, કોર્નફ્લોર ની સ્લરી અને વિનેગર ઉમેરી અને ઘટ્ટ થાય ત્યાં સુધી ઉકળવા દેવું. પછી તેમાં પનીર ઉમેરી અને બધું મિક્સ કરી લેવું.

હવે તૈયાર છે ચીલી પનીર ડ્રાય તેમાં લીલી ડુંગળીના પાન થી ગાર્નિશ કરી સર્વ કરવું.