Da farko Zaki fere doyan ki ki yanka su manya sai ki sa tukunya ki dora a wuta.Idan ya samu mintuna ya nuna sai sauke ki tsiyaye ki juye a kula ki ajiye.

Sai ki dauko fulawanki ki zuba a roba ko kwano, sannan ki jajjaga attarugu da albasanki ki zuba a kan fulawan, sannan ki kawo duk kayan dandanonki ki zuba tare da jan onganki.(Zaki iya amfani da jawa ko wani daga cikin nau'in kayan girkin maisa kala a madadin jan ongan)

Idan kin hada sai ki dauko ruwa ki kwaba wanna hadin fulawan.Za ki kwaba shi ba da kauri ba shi ba ruwa-ruwa ba.

Sai ki dora mai a wuta, sannan ki dauko doyanki kina kara yanka su dai-dai, sannan ki dinga sawa cikin wanna kullin fulawan kina sawa a mai kina soyawa.