કૂકરમાં ૨ ચમચી તેલ અને ૨ ચમચી ઘી મૂકીને ગરમ કરી તેમાં સુકાં લાલ મરચાં અને ૧ તજ અને લવિંગ અને રાઈ જીરું નો અને હીંગ નો વઘાર કરી તેમાં લીમડાના પાન નાખી વઘાર કરો. તેમાં ડુંગળી, લસણ, કેપ્સીકમ નાખો.હળદર, લાલ મરચું પાવડર, સ્વાદ અનુસાર મીઠું નાખીને સાંતળો. ૨ મીનીટ પછી તેમાં મીક્સ વેજીટેબલ અને ખીચડી નાખી ને તેમાં ૪/૫ કપ પાણી નાખી ને ધાણા જીરું પાઉડર ઉમેરી કૂકર બંધ કરી ને ધીમાં તાપે ચઢવા દો. ૩/૪ સીટી માં થઇ જશે.કૂકર ઠંડું થાય એટલે ગરમ ગરમ પીરસો. દહીં અને પાપડ સાથે મજા માણો.

ગરમીમાં ગૃહિણી ને રસોઈ ઝટપટ તૈયાર થતી અને પૌષ્ટિક આહાર. બધાંજ શાક અને બધી દાળ બીજૂ જોય શું ? આમ પણ ગુજરાતી ઓને ખીચડી તો જોઈએ જ. રાત્રે પાચન સરળતાથી થાય માટે ડીનર માટે બેસ્ટ છે. હાલો હવે તમે પણ બનાવજો. જય જલારામ !