முதலில் வாணலியில் கொள்ளை பொன்னிறமாக வறுத்து தனியே எடுத்து வைக்கவும். அதன்பின் சீரகம் மிளகு கருவேப்பிலை மற்றும் மிளகாய் வற்றல் ஆகியவற்றையும் சேர்த்து வறுத்து வைக்கவும்.

பின்பு வாணலியில் சிறிது எண்ணெய் சேர்த்து நறுக்கிய பூண்டு சேர்த்து பொன்னிறமாக வதக்கவும். அதன்பின் ஆறியதும் வதக்கிய அனைத்தையும் சேர்த்து அதனுடன் உப்பு மற்றும் பெருங்காயத் தூள் சேர்த்து மிக்ஸியில் மைய அரைத்துக் கொள்ளவும். கொள்ளு பொடி தயார். இதனை எண்ணெய் சேர்த்து இட்லியுடன் உம் அல்லது சாதத்துடனும் சாப்பிடலாம்.

கொள்ளு சூப் செய்ய தக்காளி மற்றும் சின்ன வெங்காயம் சேர்த்து நன்றாக அரைத்துக் கொள்ளவும். குக்கரில் சிறிது எண்ணெய் சேர்த்து 2 ஸ்பூன் கொள்ளு பொடி மற்றும் அரைத்த விழுது சேர்த்து அதனுடன் மஞ்சள் தூள் மற்றும் தேவையான அளவு உப்பு மற்றும் தண்ணீர் சேர்த்து மூடி மூன்றிலிருந்து நான்கு விசில் வைக்கவும்.

விசில் அடங்கியதும் மிளகுத்தூள் மற்றும் நறுக்கிய கொத்தமல்லி இலை தூவி பரிமாறவும். சத்தான கொள்ளு ரசம் தயார்.