कंटवली पोतेंडी (kantwali potendi recipe in marathi)

Name: कंटवली पोतेंडी (kantwali potendi recipe in marathi)
Yield: 4 सर्व्हिंग्ज
Cuisine: भारतीय
Ingredients: 1/2 किलो कंटवली; 1/4 किलो तांदळाचे पिठ; 2 टेबलस्पून आले-लसूण पेस्ट; 2 कांदे बारीक चिरून; 4 हिरव्या मिरच्या बारीक चिरून; 1 वाटी कोथिंबीर; 1 टीस्पून हळद; 2 टीस्पून लाल तिखट; 1 टीस्पून गरम मसाला; 1 टीस्पून धने पावडर; 1 टीस्पून जिरे पावडर; हिंग; 5ते 6 टेबलस्पून ओला नारळ; 1 टेबलस्पून तेल

Prajakta Patil @cook_19647252

#GR गावरान कंटवली पोतेंडी
पावसाळा सुरु झाला की, बाजारात रान भाज्या दिसायला लागतात. विशेष म्हणजे या भाज्या कोणत्याही मेहनतीशिवाय आपोआप उगवतात. कोणतही खत किंवा कीटकनाशक न वापरता पूर्णपणे नैसर्गिक पद्धतीने उगवलेल्या या रानभाज्या म्हणजे पावसाळ्यातली पर्वणीच असतेआज खूप पाऊस पडतोय...खूप मस्त फ्रेश अशी कंटवली मिळाली तर मग काय लागेच पोतेंडी ची फर्माईश !मग काय गेले किचन मध्ये आणि लागले कामाला...🤪😄
कसेले भरी झाले सांगू...जर तुम्हाला कंटवली मिळाली तर तुम्ही स्वतः पण एकदा करून पहा अशी टेस्टी पोतेंडी.लहान मुले सुद्धा फस्त करतात ही पोतेंडी😊मी ही पोतेंडी अगदी पारंपरिक पद्धतीने चुलीवर फक्त विस्तवावर शिजवलेली आहे.पोतेंडी हा वाडवळ समाजाचा एक पारंपरिक पदार्थ...छान चुलीवर केली जाते तेव्हा अधिकच चविष्ट लागते ही पोतेंडी... अगदी घरातच उपलब्ध पदार्थ वापरून मुख्य पाककृती ला जरासे Twist कंटवली वापरून आज बनवली. कांदा, मिरची, आले-लसूण, ओला नारळ, तांदूळ पीठामध्ये वाफेवर शिजवलेली पोतेंडी!
#पोतेंडी #वाडवळी_पदार्थ

पुढे वाचा

कंटवली पोतेंडी (kantwali potendi recipe in marathi)

Prajakta Patil @cook_19647252

घटक

25 मिनिटे

4 सर्व्हिंग्ज

1/2किलो कंटवली
1/4किलो तांदळाचे पिठ
2 टेबलस्पून आले-लसूण पेस्ट
2कांदे बारीक चिरून
4हिरव्या मिरच्या बारीक चिरून
1 वाटी कोथिंबीर
1 टीस्पून हळद
2 टीस्पून लाल तिखट
1 टीस्पून गरम मसाला
1 टीस्पून धने पावडर
1 टीस्पून जिरे पावडर
हिंग
5ते 6 टेबलस्पून ओला नारळ
1 टेबलस्पून तेल

सेव्ह केले

कुकिंग सूचना

25 मिनिटे

1

कंटवली स्वच्छ धुवून घ्या. कंटवले मधोमध चिरून आतील बियांचा गर काढून टाकावा.कंटवली व भाज्या बारीक चिरून घ्या.
2

एक भांड्यात कंटवली, नारळ,तेल व सर्व भाज्या मसाले घालून मिसळून घ्या. सर्व मिश्रण हाताने मळून चांगले एकजीव करा.
3

आता ह्या मिश्रणात तांदळाचे पीठ घालून हलक्या हाताने मिसळा. एक जाड बुडाचे पातेले घ्या. त्याच्या बुडाला केळीचे पान ठेवा.केळीच्या पानाला हलक्या हाताने तेल पसरवा.त्यावर हे मिश्रण हलकेच थापून घ्या.पुन्हा वरून केळीचे पान लावा.
4

चुलीत विस्तव तयार करून घ्या.चुलीवर हे पातेले ठेवा.पातेल्यावर बसेल असे झाकण ठेवा.म्हणजे हवा आत जाणार नाही.आता झाकणावर पेटते कोळसे ठेवा. ह्याने पोतेंडी वरून कच्ची राहत नाही छान शिजली जाते वाफेत.25 मिनिटांनी पातेले उपडे करून पोतेंडी केळीच्या पानावर काढून घ्या. खूप मस्त असा खरपूस रंग येतो. तुकडे पाडून गरमागरम सर्व्ह करा. अप्रतिम चव आलेली असते