એક બાઉલ લો. તેમાં રવો નાખો. રવા માં પાણી નાખી બરાબર મિકસ કરો. તેને ૧૫-૨૦ મિનિટ ઢાંકી ને રાખો. ત્યાં સુધીમાં માં ગેસ પર ૧ પેન માં ૩-૪ ગ્લાસ પાણી ગરમ કરવા મુકો. પાણી એકદમ ઉકળવા લાગે એટલે તેમાં ઝીણા સમારેલા પાલક ઉમેરો. પાલક ને ૫-૬ મિનિટ સુધી પકાવો. પછી બીજા બાઉલમાં ઠંડું પાણી અને થોડા બરફ ના ટુકડા ઉમેરો. હવે ગરમ પાણી માંથી પાલક ઠંડા પાણી માં ઉમેરો. મરચાં ને ઝીણા સમારી લો. હવે મિકસર માં પાલક, મરચાં અને લસણ ની કળી નાખી બલેન્ડ કરો. જરુર લાગે તો થોડું પાણી ઉમેરવું.

મિશ્રણ ને બાઉલ માં કાઢી તેમાં મીઠું, ચાટ મસાલો નાખી હલાવવું પછી તેમાં ખાવા નો સોડા નાખી હલાવવું. ઢોકળીયા માં પાણી મુકી એને ગરમ કરવા મુકો. પછી એક પ્લેટ તેલ થી ગ્રીસ કરો મિશ્રણ ઉમેરો. હવે આ પ્લેટને ઢોકળીયા માં મુકો. ૮-૧૦ મિનીટ પછી ચાકુ અથવા ટુથ પીકની મદદ વળે જોવો ઢોકળા ચડી ગયા છે. જો થોડા કાચા જેવા લાગે તો ૨-૩ મિનીટ વઘુ ચડવા દો.

પછી વઘારિયું લ્યો તેમાં તેલ મુકો તેમાં રાઈ, જીરું સુકા લાલ મરચા અને તલ તથા લીમડા નો વઘાર કરો.અને તેને ઢોકળા ની પ્લેટમાં રેડી દો. પછી તેના પીસ કરી સોસ કે ચટણી સાથે સર્વ કરો. તૈયાર છે પાલકના ઢોકળાં.