સૌપ્રથમ એક પ્રેશર કુકર લ્યો અને તેમાં તેલ ગરમ કરવા માટે મૂકો.તેલ ગરમ થઈ જાય પછી તેમાં જીરુ ઉમેરો. જીરુ બ્રાઉન કલરનું થઈ જાય ત્યાં સુધી શેકાવા દો.

જીરું શેકાઈ જાય પછી તેમાં હિંગ ઉમેરો. હિંગ ઉમેર્યા પછી તેમાં તજ, લવિંગ અને બાદિયા ઉમેરો.પછી તેમાં લીલું અને સુકુ લસણ ઉમેરો.તેને બ્રાઉન કલરનું થવા દો.

હવે તેમાં મીઠા લીમડાના પાન ઉમેરો.ત્યારબાદ લીલા મરચા ઉમેરો. તેને સહેજ શેકાવા દો. હવે તેમાં લીલા વટાણા ઉમેરો. બધાને એક વાર હલાવી નાખો.

હવે તેમાં લીલી ડુંગળી ઉમેરો.તેને 2 થી 3 મિનિટ સુધી શેકાવા દો. ડુંગળી ચડે ત્યાં સુધી દાળ ચોખા ધોઈને પલાળી દો. ત્યારબાદ તેમાં બટેટુ અને રીંગણ ઉમેરો. બધું મિક્સ કરી લો.

હવે તેમાં લીલી તુવેર ઉમેરો.પાછું બધું બરાબર હલાવી લો. હવે તેમાં મસાલા કરી લો. હળદર અને લાલ મરચું પાઉડર ઉમેરો.

ધાણાજીરું પાઉડર ઉમેરો. તમારા ટેસ્ટ અનુસાર મીઠું ઉમેરો.ચપટી ખાંડ ઉમેરો.

ગરમ મસાલો ઉમેરો અને બધું બરાબર હલાવી લો. આ બધા મસાલા કર્યા એને 2 થી 3 મિનિટ સુધી ચઢવા દો.પછી તેમાં દાળ-ચોખા ઉમેરી દો.જરૂર મુજબ પાણી ઉમેરી દો.

મેં અહીં ઓછું પાણી ઉમેર્યું છે. કારણકે મને ખીચડી છૂટી પસંદ છે.જો તમારે ઢીલી ખીચડી ખાવી હોય તો તમે વધારે પાણી ઉમેરી શકો છો. પછી તેમાં 4 થી 5 સીટી કરી લો. તૈયાર છે આપણી લીલી તુવેર દાળની મસાલા ખીચડી. પછી તેને સર્વિંગ બાઉલમાં કાઢીને ઉપરથી લીલી કોથમીરથી ગાર્નિશિંગ કરો.તેને છાશ અને લીલી ડુંગળી સાથે સર્વ કરો. આ ખીચડી ગરમાગરમ ખાવાની ખૂબ જ મજા આવે છે અને સૌને ભાવે પણ છે.