प्रथम सकाळी वाल स्वच्छ धुवून पाण्यात भिजत घालावे. रात्री उपसून निथळणीवर ठेवून त्यावर सुती कापड किंवा किचन नॅपकीन घालून झाकून ठेवावे. 1 पूर्ण दिवसभर व रात्र गेली की वालाला छान मोड आलेले असतील. हे वाल कोमट पाण्यात घालून सोलून घ्यावेत. कांदा, कोथिंबीर बारीक चिरून घ्यावी. आलं-लसूण पेस्ट करून घ्यावी. इतर सर्व साहित्य बाऊल मध्ये काढून घ्यावे.

गॅसवर एका भांड्यात तेल गरम करायला ठेवावे. तेल गरम झाले कि त्यात मोहरी, जीरे व हिंग घालावा.

कडीपत्ता, आलं-लसूण पेस्ट व कांदा घालावा व छान मिक्स करून घ्यावे.

कांदा गुलाबी झाल्यावर त्यात हळद घालून परतून घ्यावे. त्यात लाल घालावे व परतून घ्यावे. आता त्यात जीरा पावडर घालावी.

धणा पावडर, तिखट व मीठ घालून घ्यावे.

थोडा गोडा मसाला घालून परतून घ्यावे. झाकण ठेवून त्यात पाणी घालून ठेवावे.दोन ते तीन मिनीटानंतर झाकणातील गरम झालेले पाणी वालात घालून पून्हा झाकण ठेवून मंद आचेवर शिजू द्यावे.

वाल शिजले की त्यात गुळ, उरलेला गोडा मसाला व कोथिंबीर घालून परतून घ्यावे. दोन मिनीटानंतर गॅस बंद करावा.

गरमागरम वालाच्या डाळींब्या तयार. वालाच्या डाळींब्या गरम घडीच्या पोळी बरोबर खायला खूप छान लागतात.